Yeni icra başçısı Kərəm Həsənovun müavini olub

Xəbər verdiyimiz kimi, Prezident İlham Əliyevin sərəncamı ilə, Rafiq Əsgər oğlu Cəlilov Cəlilabad Rayon İcra Hakimiyyətinin başçısı təyin edilib. 

Unikal.org yeni icra başçısının dosyesini təqdim edir:

1963-cü il 13 yanvar tarixində anadan olmuşdur.
Özəl sektorda, Xəzər Dəniz Gəmiçilik İdarəsində, Azərbaycan Respublikası İqtisadi İnkişaf Nazirliyində, Azərbaycan Respublikası Dövlət Əmlakının İdarə Edilməsi üzrə Dövlət Komitəsində müxtəlif vəzifələrdə çalışmışdır.

Azərbaycan Respublikası Prezidentinin 14 fevral 2006-cı il tarixli Sərəncamı ilə Dövlət Əmlakının İdarə Edilməsi üzrə Dövlət Komitəsinin sədrinin müavini vəzifəsinə təyin edilmişdir.

O, həmin dövr ərzində hazırda Azərbaycan Respublikası Prezidentinin köməkçisi − Azərbaycan Respublikası Prezidentinin Administrasiyasının Dövlət nəzarəti məsələləri şöbəsinin müdiri olan Kərəm Həsənovun müavini kimi çalışıb və onun yaxın kadrı kimi tanınıb.

Qeyd edək ki, Kərəm Həsənov 2005-2009-cu illər ərzində Azərbaycan Respublikası Dövlət Əmlakının İdarə Edilməsi üzrə Dövlət Komitəsinin sədri vəzifəsində çalışıb.

Azərbaycan Respublikası Prezidentinin 10 iyul 2009-cu il tarixli Sərəncamı ilə Əmlak Məsələləri Dövlət Komitəsinin sədrinin müavini vəzifəsinə təyin edilmişdir.

Azərbaycan Respublikası Prezidentinin 13 may 2020-ci il tarixli Sərəncamı ilə İqtisadiyyat Nazirliyi yanında Əmlak Məsələləri Dövlət Xidmətinin rəisinin müavini vəzifəsinə təyin edilmişdir.

Seymur Əli


Showxeber Bizi instagramda izləyin



Siyasət 14.09.2021 107
Bütün Xəbərlər