10:46 Daim 23 yaşında qalacaq Albert Aqarunov  |     14:17 Azərbaycan və Gürcüstan xalqları əsrlər boyu Cənubi Qafqaz regionunda dostluq, qardaşlıq, mehriban qonşuluq şəraitində yaşayırlar  |     19:22 Kamilə Əliyeva: "Azərbaycan son dövrlər mütəmadi olaraq nüfuzlu beynəlxalq Forumlara ev sahibliyi edir"  |     11:21 Planlarına ikinci baharı yaşadacaq kredit təklifi!  |     11:20 Qanunvericiliyin tələblərini pozan internet provayderlər barəsində məsuliyyət tədbiri görülüb  |     10:31 Emin Əmrullayev öz qələmini necə qırır... - Üzrü günahından betər  |     18:13 “Nar” sərfəli mobil operator mövqeyini qoruyur  |     11:43 Şəhid ailələri və qazilərə həsr olunmuş Novruz şənliyi  |     16:06 Kamilə Əliyeva: Azərbaycan Respublikasının Milli Məclisi də ölkəmizdə aparılan islahatlardan kənarda qalmadı  |     14:22 Samirə Qasımovanın doğum günüdür!  |     16:08 Bakı Milli Geyim Evi Parisdə - Qarabağın milli geyimləri nümayiş etdirilib  |     15:27 İlham Əliyev hər zaman Azərbaycan qadınlarının ölkəmizin ictimai-siyasi həyatında fəal rol oynamalarına böyük diqqət ayırır  |     10:38 “Loqos” Psixoloji və Nitq Mərkəzi 10 yaşını qeyd edib  |     17:28 “Nar” Qarabağda infrastrukturun genişləndirilməsi üçün keçirdiyi layihələrə görə mükafata layiq görülüb  |     14:56 “Sağlamlığın Qorunması” İctimai Birliyi və TƏBİB arasında memorandum imzalanıb  |     13:41 “CineMastercard” kinoteatrında çoxdan gözlənilən “Dune 2” ScreenX-də  |     18:24 Ailə, Qadın və Uşaq Problemləri üzrə Dövlət Komitəsi və “AzerGold” QSC arasında birgə əməkdaşlıq haqqında Memorandum imzalanıb  |     18:15 “İMZA”-da yeni təyinatlar olub  |     18:08 Rəna Əkbərova yeni vəzifəyə təyin olunub  |     18:06 Azərbaycan oftalmoloqlarının İndoneziya səfəri başa çatıb  |    
Fəxrəddin Altun: “Türkiyə dezinformasiyaya ən çox məruz qalan ölkədir”
Dünya 11.09.2021 152

"Dezinformasiyaya qarşı ümumi mübarizədə qısa, orta və uzunmüddətli strateji proses aparılmalıdır".
"Report" xəbər verir ki, bu barədə Türkiyə Prezident Administrasiyasının Kommunikasiya İdarəsinin rəhbəri Fəxrəddin Altunun "Həqiqət Sonrası Bir Dövrdə Milli Təhlükəsizlik Təhdidi Olaraq Dezinformasiya və Manipulyasiya Siyasəti" adlı məqaləsində deyilir.

“Dezinformasiyaya qarşı ümumi mübarizədə qısa, orta və uzunmüddətli strateji proses aparılmalıdır. Qısa müddətdə xüsusi məsələlərə fokuslanaraq hazırlıq görülməli və mümkün ssenarilər hazırlanmalıdır. Orta müddətdə böhran ünsiyyəti və idarə etməsi çoxşaxəli bir şəkildə həyata keçirilərək məlumat, xəbər və məzmunların düzgünlüyünə tez bir zamanda nəzarət edə biləcək mexanizmlər hazırlanmalıdır. Uzun müddətdə isə media savadlılığı və rəqəmsal media savadlılığına keçmək vacibdir", - Fəxrəddin Altun bildirib.

Altun məqalədə, həmçinin qeyd edib ki, həqiqət sonrası dövrdə dezinformasiya zərərli siyasətin kommunikativ davamıdır:

"Bu baxımdan dezinformasiya yalnız cəmiyyəti çaşdırmaq və məlumatları təhrif etmək üçün bir kampaniya deyil. Xüsusilə yeni rəqəmsal dövrdə dezinformasiyanın məqsədi və nəticələri bu sərhədlərin xaricinə çıxmış, bir ölkəyə və cəmiyyətə zərər verə biləcək miqyasa çatıb. Bu səbəbdən alınacaq tədbirlər baxımından da mübarizənin tələb etdiyi qətiyyət və tutarlılıq göstərilməlidir.

Dezinformasiya - tətbiq edilməsi asan, tətbiq edildiyi zaman da müqavimət göstərilməsi çətin olan dağıdıcı bir silahdır. Yalanın mütəşəkkil və alətli forması ilə mübarizədə, yalanı üzə çıxaranlara və bu yalanı şüurlu şəkildə yayanlara qarşı qətiyyətli bir duruşla uğur qazanıla bilər. Yalan və dezinformasiyanı məsum bir səhv kimi göstərməyə çalışanlar da özlərini bu səhvdən xilas etmək məcburiyətindədir. Yalanla mübarizə aktiv sosial şəbəkə istifadəçilərinin də fərdi məsuliyyət sahəsidir. Alış-verişdə keyfiyyətsiz bir məhsulu almaq istəməyən hər vətəndaş, informasiya alışında da eyni həssaslığı göstərmək, yanlış və yalan məlumatlara qarşı aktiv bir mübarizənin bir hissəsi olmaq məcburiyətindədir.

Oxford Universiteti "Reuters" İnstitutunun 2018-ci ildə nəşr olunan rəqəmsal xəbər hesabatında yer alan və 37 ölkədə aparılan araşdırmaya görə, Türkiyə 49 faizlə dezinformasiyaya ən çox məruz qalan ölkədir. ABŞ-da bu nisbət 31 faiz səviyyəsindədir.

Eyni zamanda yaradılacaq sosial normalar vasitəsi ilə dezinformasiyalar və saxta xəbər mövzusunda maariflənmə işləri görülməlidir. Bütün bu proses hökumət, özəl sektor və vətəndaş cəmiyyəti ilə əməkdaşlıq edilərək icra edildikdə öz anlamını tapacaq.

Bu çərçivədə Kommunikasiya İdarəsi olaraq Türkiyənin milli və beynəlxalq sahədəki həqiqət mübarizəsində əhəmiyyətli rol oynayacaq, sosial mediadakı dezinformasiya və manipulyasiyalara qarşı müqavimət yaradacaq yeni nəsil dəqiqləşdirmə platforması olan "Doğrudurmu?" layihəsi üzərində işlərimizi davam etdiririk. "Doğrudurmu?" platforması ilə siyasətsizliyi siyasətə çevirən aktyor və fiqurlar tərəfindən sosial mediada yayılan xəbər və məlumatların həqiqət olub olmadığının öyrənilməsi təmin ediləcək.

Biz hüquqi addımlar atmaqla yanaşı bütün üsul və mexanizmlərdən istifadə edərək dezinformasiya və dezinformasiya yolu ilə demokratiyamızı pozmağa çalışanlara qarşı mübarizə aparmalıyıq. Ölkəmizə qarşı təsir əməliyyatlarına qarşı atacağımız addımlar demokratiyamızı qorumaq və gücləndirmək üçündür. Demokratiyamızı çevrilişlərə qarşı qorumaq üçün gördüyümüz tədbirlərdə olduğu kimi, ünsiyyət sahəsindəki manipulyasiya cəhdlərinə qarşı da lazımi addımları atırıq və atacağıq.

Prezidentimiz "Heç bir rəqəmsal məcra hüquqdan azad deyil” açıqlaması ilə mediada manipulyasiya etmək istəyənlərə, millətimizi aldatmağa çalışan daxildəki və xaricdəkilərlə əməkdaşlıq edənlərə əsla güzəşt edilməyəcəyini vurğulayıb.

Açıq və birmənalı şəkildə vurğulamaq istəyirəm ki, yalan siyasətini məğlub etmək üçün ən böyük silahımız həqiqət olaraq qalacaq. Dezinformasiya və yalanlar çox səs-küy salsa da və olduqca sürətlə yayılsa da, biz həqiqətin gücünə, həqiqətin doğruluğuna inanırıq. İnanırıq ki, bizlər həqiqəti kifayət qədər səsli və güclü bir şəkildə ifadə edərsək, o zaman yalan və dezinformasiyaya qarşı mübarizəmiz daha təsirli olacaq".






Starxeber Bizi instagramda izləyin