Nikol Paşinyanla Ermənistanın diplomatik korpusu arasında münasibətlər gərgin olaraq qalmaqda davam edir.

Paşinyanın Armen Qriqoryanı xarici işlər naziri vəzifəsinə təyin edə bilməməsinə və Ararat Mirzoyanın namizədliyini seçməsinə baxmayaraq, diplomatik korpusda narazılıq və fikir ayrılıqları davam edir.

Qəzetin yazdığına görə, diplomatlar Nikol Paşinyanın yürütdüyü xarici siyasəti ən azı məntiqsiz hesab edirlər.

Qəzetin mənbələri fikir ayrılıqlarının xüsusilə Ermənistan-Türkiyə münasibətləri prosesi ətrafında “pozitiv siqnallar” kontekstində daha da kəskinləşdiyini bildirir.

Mənbə: Ermənistanın “Past” qəzeti