Türkiyənin Sakarya vilayətində zəncirvari yol-nəqliyyat hadisəsi baş verib.
APA-nın yerli bürosunun xəbərinə görə, Sapanca rayonunda 7 nəqliyyat vasitəsi toqquşub. Belə ki, İstanbul istiqamətində hərəkətdə olan avtobus digər avtobusa çırpılıb, onun arxasınca gələn 2 minik avtomobili, 2 ticarət xidməti göstərən nəqliyyat vasitəsi və bir ağırtonnajlı yük maşını (TIR) toqquşaraq qəza törədiblər.
Avtobuslarda olan sərnişinlərdən 10-u xəsarət alıb.
Faktla bağlı araşdırma başlanıb.