Azərbaycanın məşhur aktrisası Tamilla Ağamirova vəfat edib

Azərbaycanın Əməkdar artisti, RSFSR-in Xalq artisti Tamilla Ağamirova 94 yaşında vəfat edib.

SHOWXEBER.AZ-ın TASS-a istinadən verdiyi xəbərə görə, bu barədə “Romen” teatrından bildirilib.

Qeyd edək ki, Tamilla Ağamirova 1928-ci il mayın 21-də Bakıda anadan olub. Bakı Teatr Məktəbi və MXAT məktəb-studiyasını bitirib. 1952-ci ildən "Romen" Moskva Musiqili-Dram Teatrının qabaqcıl aktrisası olub. Dünyada yeganə olan qaraçı teatrının səhnəsində bir çox parlaq obrazlar canlandırıb.

Tamilla Ağamirovanın həyat yoldaşı Nikolay Sliçenko olub. O, SSRİ xalq artisti, "Romen" teatrının bədii rəhbəri, qaraçı mahnı və romansların dünyaca məşhur ifaçısı olub və iki ay əvvəl vəfat edib.


Showxeber Bizi instagramda izləyin



Mədəniyyət 2.09.2021 238
Bütün Xəbərlər