Xəbər verdiyimiz kimi, aparıcı Xoşqədəm Hidayətqızı "Xəzər TV" ilə yollarını ayırıb.

Axşam.az-ın məlumatına görə, aparıcı işdən çıxdıqdan sonra onun "Səni axtarıram" layihəsinin üzvləri də kanaldan ayrılıb.

Belə ki, X.Hidayətqızının komandası əşyalarını yığaraq telekanalı tərk ediblər. 

Qeyd edək ki, aparıcının hansı kanalda çalışacağı ilə bağlı bir neçə gündür müzakirələr gedir. Onun ARB TV ilə işbirliyinə başlayacağı deyilsə də, kanal rəsmi açıqlama yayaraq belə bir fikirlərinin olmadığını bildirib. 

X.Hidayətqızı ilə əlaqə saxlamağa çalışsaq da, o, telefonlara cavab verməyib.