10:46 Daim 23 yaşında qalacaq Albert Aqarunov  |     14:17 Azərbaycan və Gürcüstan xalqları əsrlər boyu Cənubi Qafqaz regionunda dostluq, qardaşlıq, mehriban qonşuluq şəraitində yaşayırlar  |     19:22 Kamilə Əliyeva: "Azərbaycan son dövrlər mütəmadi olaraq nüfuzlu beynəlxalq Forumlara ev sahibliyi edir"  |     11:21 Planlarına ikinci baharı yaşadacaq kredit təklifi!  |     11:20 Qanunvericiliyin tələblərini pozan internet provayderlər barəsində məsuliyyət tədbiri görülüb  |     10:31 Emin Əmrullayev öz qələmini necə qırır... - Üzrü günahından betər  |     18:13 “Nar” sərfəli mobil operator mövqeyini qoruyur  |     11:43 Şəhid ailələri və qazilərə həsr olunmuş Novruz şənliyi  |     16:06 Kamilə Əliyeva: Azərbaycan Respublikasının Milli Məclisi də ölkəmizdə aparılan islahatlardan kənarda qalmadı  |     14:22 Samirə Qasımovanın doğum günüdür!  |     16:08 Bakı Milli Geyim Evi Parisdə - Qarabağın milli geyimləri nümayiş etdirilib  |     15:27 İlham Əliyev hər zaman Azərbaycan qadınlarının ölkəmizin ictimai-siyasi həyatında fəal rol oynamalarına böyük diqqət ayırır  |     10:38 “Loqos” Psixoloji və Nitq Mərkəzi 10 yaşını qeyd edib  |     17:28 “Nar” Qarabağda infrastrukturun genişləndirilməsi üçün keçirdiyi layihələrə görə mükafata layiq görülüb  |     14:56 “Sağlamlığın Qorunması” İctimai Birliyi və TƏBİB arasında memorandum imzalanıb  |     13:41 “CineMastercard” kinoteatrında çoxdan gözlənilən “Dune 2” ScreenX-də  |     18:24 Ailə, Qadın və Uşaq Problemləri üzrə Dövlət Komitəsi və “AzerGold” QSC arasında birgə əməkdaşlıq haqqında Memorandum imzalanıb  |     18:15 “İMZA”-da yeni təyinatlar olub  |     18:08 Rəna Əkbərova yeni vəzifəyə təyin olunub  |     18:06 Azərbaycan oftalmoloqlarının İndoneziya səfəri başa çatıb  |    
13 yaşlı Nurlanı ölürən, atasını yaralayan sürücünü məhkəmə həbs etmədi - VİDEO
Siyasət 14.08.2021 336

“Avqustun 7-si 13 yaşlı övladım Nurlan Baxışov 99-KL-247 nömrəli “Mazda” markalı avtomobillə vurularaq öldürülüb. Hadisədən bir həftəyə yaxın vaxt keçsə də, hələ də sürücü azadlıqda gəzir. Hadisəni törədən qadın olsa da, istintaq onu gizlədir, bizə sürücü kimi başqasını təqdim edirlər”.

OPERATIV24 xəbər verir ki, bu iddia ilə “Qafqazinfo”ya Yasamal rayonu, Şəfayət Mehdiyev küçəsində faciəvi şəkildə həlak olan azyaşlının atası Əyyar Baxışov müraciət edib.

Onun sözlərinə görə, hadisə gözlərinin qarşısında baş verib:

“Həmin gün, gecə saatlarında Nurlanla Yasamal parkından gəlirdik. İki gündən sonra uşağın ad günü olacaqdı. Dedi ki, sinif yoldaşları ona sürpriz edib ad gününü keçirmək istəyirlər. Yolun o biri tərəfində şirniyyat mağazası var idi, əl çəkmədi ki, mağazaya baxaq, bəlkə, elə uşaqlar gəlib oradan tort alsınlar. Dilim-ağzım bağlandı, heç nə deyə bilmədim, əlindən tutub yolu keçdik. Yol da boş idi, zolağa qədər getdik, qabaqda işıqfor açıldı.

Gözlədik ki, yoldakı 3-4 maşın keçsin, rahat gedək. Həmin vaxt arxadan gələn avtomobil bizi vurdu. Mənim topuğumdan dəydi, Nurlan da məndən bir neçə addım arxada dayanıb ad günü ilə bağlı söhbət edirdi. Bir də gördüm ki, uşaq yoxdur...”

Ə.Baxışovun sözlərinə görə, arxadan onları vuran “Mazda” markalı avtomobili qadın sürücü idarə edib və yanında bir neçə sərnişin də olub. Ata iddia edir ki, sürücü vurduğu şəxslərə kömək göstərməyib:

“Heç bizə yaxın da gəlmədilər. Yaxınlıqdakı insanlar kömək etdilər. Həmin vaxt parkdan keçən tibb bacısı uşağın nəbzini yoxladı. Dedi ki, nəbzi vurur, təcili yardımı gözləməyin, tez xəstəxanaya çatdırın. Mərkəzi Klinik Xəstəxanaya çatdırdıq, həkimlər dedilər ki, uşaq artıq keçinib. Nədənsə, meyiti xəstəxanada 14 saat saxladılar.

Mən öyrəndim ki, əslində, xəstəxana ölünü yarım saat və ya bir saat saxlaya bilər. Sonra Məhkəmə Tibbi Ekspertiza və Patoloji Anatomiya Birliyinə göndərilməlidir. İstintaqda iş düz aparılmır. Hazırda uşağı vuran adam azadlıqdadır, saxlanılmayıb.

Deyirlər, bizim onu tutmağımız üçün bu şərtlər olmalıdır: ya hadisə yerindən qaçmalı, kömək etməməli və ya sərxoş olmalıdır. Halbuki vuran şəxs bizə kömək etməyib. Mən öyrəndim ki, hadisə yerində olan müstəntiqin tələbə yoldaşı olub və onu buraxıb. Sürücü xanım idi, indi Qasımov Vəli Müslüm oğlu adlı bir nəfər ortaya çıxıb ki, avtomobili mən sürmüşəm”.
Şikayətçi deyir ki, bu bir neçə gün ərzində ölüm faktı ilə əlaqədar üç müstəntiq dəyişdirilib. 



Şikayətlə bağlı Respublika Baş Prokurorluğuna müraciət etdik. Prokurorluğun mətbuat xidmətindən  təsdiqlənib ki, Qasımov Vəli Müslüm oğlu 7 avqust 2021-ci il tarixdə, saat 22:30 radələrində "Mazda CX-5" markalı, 99-KL-247 dövlət qeydiyyat nişanlı avtomobillə Bakı şəhəri, Yasamal rayonu Ş.Mehdiyev küçəsi ilə "Lider" TV istiqamətində hərəkətdə olarkən həmin küçədə dayanmış piyadalar 2008-ci il təvəllüdlü, Baxışov Nurlan Əlyar oğlunu və Baxışov Əlyar Nurlan oğlunu vurub:

“Nəticədə piyada Nurlan Baxışov zərbədən əks hərəkət zolağına düşməklə əks istiqamətdə olan Zəbiyev Kazım Qasım oğlunun idarə etdiyi “Toyota Prius” markalı, 99-OB-985 dövlət qeydiyyat nişanlı avtomobilin qabaq hissəsinə çırpılaraq ölməsinə səbəb olan bədən xəsarətləri yetirərək, yol-nəqliyyat hadisəsi törədib.  

Faktla bağlı Yasamal RPİ-nin İstintaq şöbəsində Cinayət Məcəlləsinin 263.2 və 263.4-cü maddələri ilə cinayət işi başlanıb. Hər iki sürücü təqsirləndirilən şəxs qismində istintaqa cəlb olunub. Barələrində həbs qətimkan tədbrinin seçilməsi üçün tərəfimizdən məhkəməyə təqdimatlar göndərilib.
Məhkəmənin qərarı ilə “Toyota Prius” markalı, 99-OB-985 dövlət qeydiyyat nişanlı avtomobilin sürücüsü Zəbiyev Kazım Qasım oğlu barədə həbs-qətimkan tədbiri seçilib, lakin “Mazda CX-5” markalı, Az 99-KL-247 dövlət qeydiyyat nişanlı avtomobilin sürücüsü Qasımov Vəli Müslüm oğlu barəsində məhkəmə həbs-qətimkan tədbirinin seçilməsindən imtina edib. Bununla bağlı prokurorluq həmin qərardan protest verib”.

Prokurorluqdan həmçinin bildirilib ki, müstəntiq Samir Ağayevdir, heç bir müstəntiq dəyişikliyi olmayıb.

Əyyar Baxışov redaksiyamıza, eyni zamanda, qəzanın videosunu da təqdim edib. Görüntülərdən aydın olur ki, azyaşlını əvvəlcə “Mazda CX-5” markalı maşının sürücüsü vurur, yalnız bundan sonra uşaq əks tərəfdəki “Toyota Prius”un qarşısına düşür. Ürəyi zəif olanların videoya baxmağı tövsiyə edilmir: 








Starxeber Bizi instagramda izləyin