İranın Koronavirusla Mübarizə Milli Komitəsinin qərarına əsasən avqustun 16-dan 22-dək İranın həssas peşə sahələri istisna olmaqla bütün dövlət və özəl sektorlarda fəaliyyət dayandırılacaq.

OPERATIV24.AZ-ın məlumatına görə, bunu İranın Koronavirusla Mübarizə Milli Komitəsinin sözçüsü Əlirza Rəisi deyib.

Ə.Rəisinin sözlərinə görə, fəaliyyətini dayandıran idarələrə banklar və sairə də daxildir.

O əlavə edib ki, bundan əlavə sabahdan etibarən 28 avqustadək bütün avtomobillərin hərəkəti dayandırılacaq. Sadəcə ərzaq və yanacaq daşıyan avtomobillər və təcili yardım maşınları fəaliyyət göstərə biləcəklər.

Qeyd edək ki, İranda ötən gün 39 min nəfər koronavirusa yoluxub, 527 nəfər ölüb. //Trend.az