Jurnalist Cavanşir Həsənli İspaniyada 1.5 milyon avroluq saatı oğurlanan şəxsin Azərbaycan Avtomobil Yolları Dövlət Agentliyinin rəhbəri Saleh Məmmədovun 22 yaşlı oğlu Sübhan Məmmədli olduğu haqda məlumat yayıb.

operativ24.az xəbər verir ki, dünya mətbuatında müzakirələrə səbəb olan xəbərlə bağlı "Qafqazinfo” məlumatları dəqiqləşdirmək üçün AAYDA-ya müraciət edib.
 

Agentlikdən bildirilib ki, bu məlumatların heç bir əsası yoxdur: "Onu yayanlar hardan bildilər ki, bu şəxs Sübhan Məmmədlidir? Tamamilə yalandır, belə bir şey yoxdur, cəfəngiyatdır”.

Xatırladaq ki, "Daily Mail”in yaydığı məlumata görə, 22 yaşlı azərbaycanlı gənc İbiza adasında olarkən naməlum şəxs ona hücum edərək saatını alıb və ona bir-iki zərbə də vurub. Oğurlanan "Richard Mille” markasına aid "50-03 McLaren F1” model saatdan dünyada cəmi 75 ədəddir.


Showxeber Bizi instagramda izləyin



Sosial 27.06.2019 260
Bütün Xəbərlər