Azərbaycanda polis körpələr evində gözətçi işləyən qadını öldürdü - RƏSMİ

Daxili İşlər Nazirliyi (DİN) Sabirabad rayonu ərazisində baş verən qətllə bağlı məlumat yayıb.

DİN-nin mətbuat xidmətinin Şirvan regional qrupundan verilən məlumata görə, iyulun 22-də Sabirabad rayonu ərazisində Ulacalı kənd sakini Mübarək Ağayevanın meyitinin tapılması ilə əlaqədar keçirilən təxirəsalınmaz əməliyyat-axtarış tədbirləri ilə onun münaqişə zəminində tanışı, DİN-in Sabirabad Regional Mühafizə Şöbəsinin polis nəfəri, polis serjantı Əliağa Soltanov tərəfindən xidmətdən kənar vaxtı, kəsici-deşici alətlə qətlə yetirilməsi müəyyən olunub.

Ə.Soltanov şübhəli şəxs qismində saxlanılaraq istintaqa təhvil verilib.  

Faktla bağlı Sabirabad Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.    


Showxeber Bizi instagramda izləyin



Sosial 23.07.2021 373
Bütün Xəbərlər