10:46 Daim 23 yaşında qalacaq Albert Aqarunov  |     14:17 Azərbaycan və Gürcüstan xalqları əsrlər boyu Cənubi Qafqaz regionunda dostluq, qardaşlıq, mehriban qonşuluq şəraitində yaşayırlar  |     19:22 Kamilə Əliyeva: "Azərbaycan son dövrlər mütəmadi olaraq nüfuzlu beynəlxalq Forumlara ev sahibliyi edir"  |     11:21 Planlarına ikinci baharı yaşadacaq kredit təklifi!  |     11:20 Qanunvericiliyin tələblərini pozan internet provayderlər barəsində məsuliyyət tədbiri görülüb  |     10:31 Emin Əmrullayev öz qələmini necə qırır... - Üzrü günahından betər  |     18:13 “Nar” sərfəli mobil operator mövqeyini qoruyur  |     11:43 Şəhid ailələri və qazilərə həsr olunmuş Novruz şənliyi  |     16:06 Kamilə Əliyeva: Azərbaycan Respublikasının Milli Məclisi də ölkəmizdə aparılan islahatlardan kənarda qalmadı  |     14:22 Samirə Qasımovanın doğum günüdür!  |     16:08 Bakı Milli Geyim Evi Parisdə - Qarabağın milli geyimləri nümayiş etdirilib  |     15:27 İlham Əliyev hər zaman Azərbaycan qadınlarının ölkəmizin ictimai-siyasi həyatında fəal rol oynamalarına böyük diqqət ayırır  |     10:38 “Loqos” Psixoloji və Nitq Mərkəzi 10 yaşını qeyd edib  |     17:28 “Nar” Qarabağda infrastrukturun genişləndirilməsi üçün keçirdiyi layihələrə görə mükafata layiq görülüb  |     14:56 “Sağlamlığın Qorunması” İctimai Birliyi və TƏBİB arasında memorandum imzalanıb  |     13:41 “CineMastercard” kinoteatrında çoxdan gözlənilən “Dune 2” ScreenX-də  |     18:24 Ailə, Qadın və Uşaq Problemləri üzrə Dövlət Komitəsi və “AzerGold” QSC arasında birgə əməkdaşlıq haqqında Memorandum imzalanıb  |     18:15 “İMZA”-da yeni təyinatlar olub  |     18:08 Rəna Əkbərova yeni vəzifəyə təyin olunub  |     18:06 Azərbaycan oftalmoloqlarının İndoneziya səfəri başa çatıb  |    
“Oynaya-oynaya maska taxmaq, vallah, faciədir” - Xalq Artistindən etiraz
Maqazin 25.06.2021 405

Xalq artisti Səməd Səmədovun Yenisabah.az-a müsahibəsi:

- Səməd bəy, artıq iyulun 1-dən etibarən toylar başlayır, siz necə bu qərarı necə qarşıladınız?

- Mən bütün xalqımızı təbrik edirəm. İstər ad günü, istər nişan, istərsə də toy edəcək hər kəs bu qərara çox sevindi. Amma mən vətəndaşlara səslənirəm, mütləq təcili şəkildə peyvənd olunun.

 Çünki məclislərdə ciddi yoxlama olacaq.

Təsəvvür edin, bircə nəfərə görə 50-100 nəfər yoluxma təhlükəsi ilə üz-üzə qala bilər. Yaxud bir nəfərə görə 100 nəfər cərimə ödəyə bilər.

Ona görə də hamı peyvənd vurdurmağa tələsməlidir.

 Mən də bir sənətçi kimi bu xəbərə çox sevinirəm. Qazanc olacaqsa, evdə də qazan qaynayacaq, həyat davam edəcək.

Ordumuzun bizə yaşatdığı zəfər sevincindən sonra bu xəbər lap yerinə düşdü. Allah əsgərlərimizi qorusun, bizə yeni-yeni əsgərlər lazımdır. Ona görə də qoy hər zaman toy-bayram olsun.

- Toylarla bağlı müəyyən qadağalar da var. Siz də bu qadağalardan gileylənənlər sırasındasınız?

- Bu qadağalar olmasa daha yaxşı olar.  Mən bu fikirdəyəm ki, qoy toy yiyələri 50-80 nəfər dəvət etsin, amma bu qadağalar olmasın. Rəqs edənlər maskasız olsunlar. Bu insanlara əziyyət olacaq.

 Maska ilə adicə gəzəndə adamın nəfəsi daralır, tərləyirsən, o ki, qaldı maska ilə oynamaq. Oynaya-oynaya maska taxmaq, vallah, faciədir. Adicə dükana, ya qapalı məkana girəndə belə maska taxmalısan, bununla haradasa razıyam, lakin toyda maska taxmaq bir az absurd gəlir.

Qoy 80 nəfər qonaq olsun, ara məsafə çox olsun, amma maska taxılmasın. Hətta eşitmişdim ki, şadlıq saraylarında kondisioner də yandırmağa icazə verməyəcəklər.

- Sizcə, COVİD pasportu vacib olduğu halda 150 nəfər qohumu, dost-tanışı bir araya yığmaq asan olacaqmı?

- Məncə, yox. Onsuz da ilk başlarda 150 nəfəri bir yerə heç kim yığa bilməyəcək. Heç bir toy yiyəsi o qədər pasportlu adam tapa bilməyəcək. Hamının peyvəndi yoxdur. Gəlib yoxlayanda da nə qədər cərimə yazıldığını özünüz məndən yaxşı bilirsiniz.

 Bütün bunlar nəzərə alınsa, toy yiyəsi 60-80 nəfəri güclə bir araya gətirə biləcək. Belə olsa da eybi yoxdur, təki toy olsun...

Artıq bir ildən çoxdur müğənnilər, musiqiçilər əziyyət çəkirdilər, 5-10 manat puldan ötrü min bir əziyyətə qatlaşırdılar ki, təki evdə qazan qaynasın.

- Toylara icazə veriləndən sonra şadlıq saraylarının qiymətləri qaldırmasına münasibətiniz necədir?
- Kimin imkanı varsa, onsuz da gedib bahalı restoran tutacaq. Əvvəl bir yerə 60 manat verirdisə, indi 100-120 manat verəcək və problem olmayacaq. Amma kimin imkanı yoxdursa, gəzib-dolaşıb uyğun qiymətli şadlıq evi tapacaq. Hətta 25-35 manat arası da yerlər tapa biləcəklər. Qiymətləri qaldıran şadlıq sarayları nəzərə almalıdırlar ki, 25-30 manatlıq qiymət təklif edənlər hər gün işləyəcəklər, hər gün onlarda məclis keçiriləcək. Onların yeməkləri də bahalı yerlərdən əskik olmayacaq. Kimlər ki, ucuz və keyfiyyətli xidmət təklif edirlər, onlar hər gün işləyib qazanacaqlar.

- Bəzi həmkarlarınız da toy qiymətlərini artıracaqlarını anons ediblər.

Sizdə vəziyyət necə olacaq, qiyməti qaldırmağı düşünürsünüz?

- Yox, mən qiymətləri qaldırmağı düşünmürəm. Pandemiyadan əvvəl 8-10 minə toylara gedən həmkarlarım olsa da mən heç vaxt yüksək qiymət deməmişəm.

- Sirr deyilsə, sizdə qiymətlər hansı aralıqdadır?
- O vaxt camaat 12 min qiymət oxuyanda mən, vallah, 4000 manat deyib, düşürdüm 3000-ə. Bəzən 3000 manat deyib, yenə düşürdüm. Bəzən olurdu ki, toy yiyəsi deyirdi ki, "Baxın, Səməd müəllim, hazırda gəlin də yanımdadır və deyir ki, Səməd Səmədov oxumasa, mən ərə getməyəcəyəm". Belə olan halda 2500-ə, hətta 2000 manata qədər də düşürdüm.
- Bəs o qiymətə gedib oxumaq sərfəlidir?

- Elə olub ki, hətta 1500-ə də düşmüşəm. Çünki qiymətə  naz edib evdə oturmaqla heç kim gətirib mənim cibimə pul qoymayacaq. Düşünmüşəm ki, eybi yox, mən qazanmayım, amma musiqiçilərim evlərinə çörəkpulu apara bilsinlər. Bundan başqa, əgər mən 2500-3000 manata ayda 25 toy oxuyuramsa, görün bu pul hara vurub çıxır. Amma 10-12 min manata gedənlər həftədə bir toya dəvət alacaqlar, mən isə beş.  Ayın sonunda gəlir yenə də bərabər olacaq.






Starxeber Bizi instagramda izləyin