7-16 yaşlı Şəhid övladları arasında yelkənli qayıq idman növü üzrə turnir keçirilib.
7-16 yaşlı Şəhid övladları üçün yelkənli qayıq idman növü üzrə turnir təşkil edilib.
Nəqliyyat, Rabitə və Yüksək Texnologiyalar Nazirliyi, Azərbaycan Yelkənli İdman Federasiyasının təşkilatçılığı ilə şəhidlərin və rabitəçi qazilərin övladları üçün sayca üçüncü dəfə turnir keçirilib.
Operativ24.az xəbər verir ki, 20 iştirakçının qatıldığı turnir 25 iyun - Dənizçi Günü və Azərbaycan Respublikasının telefon rabitəsinin yaradılmasının 140 illiyinə həsr edilib.
Məqsəd uşaqlar arasında yelkənli qayıq idman növə maraq və onların peşəkar səviyyədə məşğul olmasıdır.
Tədbirdə optimist sinfi üzrə yığmanın baş məşqçisi Seyhun Yıldız və lazer sinfi üzrə baş məşqçi Tuğçe Subaşı iştirak edib. Hər iki mütəxəssis tədbir iştirakçılarına yelkən idmanı ilə bağlı məlumat verib, onlarla birlikdə yarışda iştirak edib.
Mərasimdə yelkənli qayıqdan istifadə qaydaları, açıq dənizdə küləklə mübarizə, küləyin istiqamətinin seçilməsi, qayıqların təhlükəsiz idarə edilməsi üsulları öyrədilib.
Nəqliyyat, Rabitə və Yüksək Texnologiyalar Nazirliyi yanında Dövlət Dəniz Agentliyinin mətbuat katibi Pərvanə İmanova Operativ24.az-a açıqlamasında açıqlamasında bildirib ki, bugünkü tədbir Vətən uğrunda canlarından keçən şəhidlərin, eləcə də qazilərin övladlarına həsr edilib: "Bu, əyləndiciri və maarifləndirici tədbir idi. Əsas məqsəd Vətən uğrunda canlarından keçən şəhidlərimizin və qazilərimizin övladlarının vaxtlarının səmələri keçirilməsidir. Gələcəkdə belə yarışların keçirilməsi müntəzəm olacaq.