Azərbaycanda daxili turizmlə bağlı son vəziyyət – MÜSAHİBƏ
“Pandemiya ilə əlaqədar yerli turistlər aktivlik az-az nümayiş etdirib”.
SHOWXEBER.Az-ın "Star Hotel"in icraçı direktoru Orxan İsmayılovla müsahibəsi.
- Orxan bəy, hazırda Azərbaycanda daxili turizmlə bağlı vəziyyət nə yerdədir?
- Azərbaycanda hal-hazırda daxili turizmlə bağlı pandemiya ilə əlaqədar çox təsir göstərdi, ancaq çox şükürlər olsun ki, xariclərə baxanda yerli turistlər aktivlik az-az da olsa da gəlir.
- Builki mövsümü necə xarakterizə etmək olar? Azərbaycanlıların Star Hoteldə istirahətə marağı hansı şəkildə idi?
- Hər mövsümün öz qonağları var, daha çox qış mövsümdə turistlər gəlirdi. Bizim məkanımız belə yerdədir ki, qar görmək üçün gələn qonağları bizim personalımız çox gözəl qarşılayır.
- Orxan bəy, Azərbaycanda daxili turizmin gələcəyini necə görürsüz?
- Biraz təsir olsa da, inşallah gələcəkdə yaxşı olacaq. Bizim hörmətli cənab Prezidentimiz daha çox abadlıq işlərinə böyük diqqət ayrır, belə gedişatla gələcəyi yaxşı olacaq.
- Nə üçün xarici turistlər əsasən Şamaxı-İsmayıllı, yerli turistlər isə Quba-Xaçmaz regionuna üstünlük verir?
- Yerli turistlərimiz Şamaxı və başqa rayonlarından adiləşib. Onlar hər zaman çox vaxt ayırma bilirlər, xarici turistlər gələndə isə digər rayonlara baxanda, bizdə daha çox gözəl gəzməli və göstərməli yerlər var.
- Pandemiya dövrü yerli turist sayının artımına necə təsir göstərdi?
- Koronavirus (COVID-19) pandemiyası dövründə nəinki bizə, bütün Azərbaycana öz təsirini göstərdi. Amma buna baxmayaraq, mən bir daha cənab Prezidentimizə təşəkkürümü bildirmək istəyirəm ki, çox gözəl qayğı göstərdi. Hər bir sahibkara çox gözəl diqqət ayrıldı. Amma yenə də öz təsirini göstərdi, sərhədlər bağlanmışdı. İnşallah gələcəkdə planımız var ki, mehmanxanamızda kiçik və böyük hovuzları və uşaq əyləncə mərkəzi tikək.