Milli Məclisin deputatı Səbinə Xasayeva bir qrup qaziləri və vətəndaşları qəbul edib
Qəbulda iştirak edən qazilərdən Qaradağ rayonu Qarabağ Qaziləri İctimai Birliyinin sədri 2-ci qrup əlil Əvəz İsmayılov, 2-ci qrup əlil Akif İbrahimov, 2-ci qrup əlil Azər Hüseynov və 2-ci qrup əlil Bəhmən Qurbanov “Əlilliyi olan şəxslərin hüquqları haqqında”Azərbaycan Respublikası Qanununda dəyişiklik edilməsi barədə Azərbaycan Respublikası Qanununun lahiyəsinə dəyişikliklərin edilməsi barədə öz təkliflərini bildirmişlər.
Müharibə veteranları adıçəkilən qanuna dəyişikliklərin edilməsində minlərlə Qarabağ qazisinin, on minlərlə mülki vətəndaşların hüquqlarının qorunmasının, birinci və ikinci Qarabağ müharibəsi şəhidləri ailələrinin mənzil şəraitinin yaxşılaşdırılmasının və digər məsələlərin vacibliyinin nəzərə alınmasını xahiş etmişlər.
Sonra digər vətəndaşların qəbulu keçirilmişdir. Onlar əhalinin məşğulluğu üçün yeni iş yerlərinin yaradılması, fərdi evlərin sənədləşdirilməsi, bank sistemində vətəndaşların hüquqlarının pozulmasının qarşısının alınması istiqamətində ciddi tədbirlərin həyata keçirilməsini və sosial təminat məsələləri ilə əlaqədar müraciətlərə həssas yanaşılmasını təklif etmişlər.
Müvafiq qurumlara təqdim etmək məqsədilə vətəndaşların müraciətləri millət vəkili Səbinə xanım Xasayeva tərəfindən nəzarətə götürülüb.
Seçicilərlə mütəmadi olaraq görüşlərin keçirilməsi, onları qəbul etmək deputat Səbinə Xasayevanın əsas fəaliyyət istiqamətlərindən biridir.
Operativ24.az
Bizi instagramda izləyin
