Azərbaycan Tibb Universitetinin Tədris Cərrahiyyə Klinikasının plastik cərrahı Adil Cümşüdov Vətən müharibəsində yaralanan hərbiçilərimizə təmənnasız yardım edib.

Operativ24.az-ın məlumatına görə, plastik cərrah olan Cümşüdovun təşəbbüsü sayəsində hərbçilərimiz əməliyyat edilib.
Adil Cümşüdov deyir ki, Qarabağ müharibəsində yaralanan hərbçilərin sağlamlığına qovuşması üçün dövlət tərəfindən lazımı dəstək göstərildiyindən xəbərdardır. Amma o da bu yöndə yardımını əsirgəmək istəmir. Haqq savaşımızın gedişatını həyəcanla izlədiyini deyən həkim ordumuzun 30 illik erməni işğalına son qoyduğuna görə çox sevinclidir. Adil həkim bu dastanı yazanlara xidmət göstərməkdən qürur duyduğunu vurğulayır.
O, qarşısına belə bir məqsəd qoyub, əgər oğullar vətən yolunda yaralı və ya şəhid olursa, onlara və onların ailələrinə xidmət etmək də onun borcudur.
Bəli, yaralı qazilərimizdən bir neçə nəfəri artıq Adil Cümşüdovun qəbuluna gələrkən, tam pulsuz müayinə edib. Müayinənin nəticələri məlum olduqdan sonra əməliyyatların tarixi müəyyən edib. Odur ki, qazilərimiz özlərini Adil həkimin şəfqətli əllərinə tam etibar edə biliblər.  
Hər bir Azərbaycan vətəndaşının borcudur ki, Qazi və Şəhid ailələrinə hörmət etsin, onların qayğısına qalsın.

Nümunəvi addım sahibi Adil həkim kimi!