Müşviq Şahverdiyev "Qılman"la meyxana deməyə başladı

Müşviq Şahverdiyev "Qılman"la meyxana deməyə başladı - VİDEO

Maqazin 30-mar, 22:58 522
Tanınmış aktyor Müşviq Şahverdiyev yeni layihəyə imza atır.

Operativ24.az xəbər verir ki, Müşviq də bir sıra məşhurlar kimi "Youtube" platformasında maraqlı layihəyə start verir.

Onun yeni verilişinin adı "Toyxanadır:

"Yeni layihəmizin anonsunu paylaşanda camaat elə bildi ki, efirdə olacaq, amma əksinə biz "Youtube"u üstün tutduq. Çünki, son zamanlar sosial platformalar televiziyalar geridə qoyur. Komanda olaraq fikrləşdik ki, bu platformaya da baş çəkək. Bizim 2014-cü ildə filmlərimiz üçün açdığımız "Cinema Company" kanalının adını dəyişib öz adıma bağladım və 40 min abunəmiz var. İnşallah bu kanalda ilk işimiz sözünü danışdığım "Toyxana" layihəsi olacaq. Meyxana layihəsidir. İlkin Misgərli ilə bərabər rol alacam. Verilişin içində İlkinlə mənim prodüserimiz Pələng (Ramil) olacaq. Ssenarimizi Ənvər Abbasovla, Samid Ağayev yazacaq. Layihənin rejissoru isə Elnur dostumuz olacaq. Bir komanda işi ortaya qoyacağıq, "Youtube" üçün çəkirik deyə 2-3 nəfər yığışıb nəsə ortaya qoymuruq. Professional iş olmasının tərəfdarıyıq. İlk verilişimizi Səlyanda çəkdik, ikincini isə Neftçalada. Birincində qonaq Pərviz Bülbülə, Neftçalada isə Orxan Lökbatanlı olacaq. Verilişi ayda 2 dəfə nəzərdə tutmuşuq, əgər izləyici yüksək maraq göstərsə, 4 dəfə də etməyi düşünürük. Folklorumuzun qədim janrlarından olan meyxanaya maraq böyükdür və meyxana sənətinə yoldan keçən adamların qatılmasını pisləyirik. Biz bu layihədə o yoldan keçən adamları parodiya edərək göstəririk. Söz ustadları da bizim dərsimizi verərək, bağlayıb göndərirlər. Aprelin 1-i gülüş günü saat 19:00-da mənim "Youtube" kanalımda Pərviz Bülbülə ilə olan "Toyxana Salyanda" verilişimizi izləyə bilərsiniz. Bizi sevən hər kəsi kanalımıza dəvət edirəm, abunə olun, izləmədə qalın. Gələcəkdə daha böyük planlarımız var".

Oxşar xəbərlər
z