Türkiyə şou-biznesinə qatılmaqda yetərincə əzmli görünən Rominanın İskender Paydaşla yazdırdığı "Sevgin Yalan" duetinin klipi hazırdır.

Operativ24.az  xəbər verir ki, bu gündən etibarən qardaş ölkənin bir neçə telekanalında nümayişinə başlanılan ekran işi "İskender Paydaş" prodüser mərkəzində istehsal olunub. Klip Ajda Pekkan, Sezen Aksu və Gülşənin mahnılarına ekran həyatı verən tanınmış rejissor Murat Gönüllü və onun peşəkar komandası tərəfindən ekranlaşdırılıb.
Sevgidən sarsılan qadın obrazını canlandıran Rominanın tərəf-müqabili elə İskender Paydaşın özüdür. 

Qeyd edək ki, “Sevgin Yalan” mahnısının söz və musiqisi Rominanın özünə məxsusdur. Mahnının aranjimanını isə İskender Paydaş edib. İskender Paydaş Türkiyədə Tarkan, Deniz Seki, Kenan Doğulu kimi məşhurlarla da çalışıb.