Millət vəkili Tahir Mirkişili və Qızıl Aypara Cəmiyyətinin birgə təşəbbüsü ilə evsiz ailəyə ərzaq və digər lazımi ləvazimatlardan ibarət yardım göndərilib.
Ötən gün xəbər verdiyimiz kimi, Milli Məclisin İqtisadi Siyasət, Sənaye və Sahibkarlıq komitəsinin sədri Tahir Mirkişili Sumqayıt şəhərində maşının yük yerində yaşayan ailəyə baş çəkərək onların problemini nəzarətə götürüb. Əlindən gələn köməyi əsirgəməyəcəyini bildirən Millət vəkili bugün Qızıl Aypara Cəmiyyəti ilə birlikdə həmin ailəyə ərzaq və digər ehtiyaclardan ibarət yardım göndərib.
Ehtiyacı olan insanları daim nəzarətdə saxlayan Millət vəkili bu hadisəyə də operativ və diqqətlə yanaşaraq problemin ən qısa müddətdə öz həllini tapması üçün səfərbər olub.
Qeyd edək ki, Tahir Mirkişili sərt karantin dövründə minlərlə ailəyə ərzaq yardımı edib.
Operativ24.az olaraq Tahir müəllimə təşəkkür edir, uğurlar arzulayırıq.