Ulduz voleybolçular ökəmizə dəstək mesajı veriblər.
Braziliyanın “Volley Bauru” (San-Paulu) klubunda çıxış edən, aralarında həmyerlimiz olan 3 qadın voleybolçu- Polina Rəhimova (Azərbaycan), Dobriana Rabaciyeva (Bolqarıstan) və Brenda Kastilyu (Dominikan Respublikası) Azərbaycanın ilk milli idman brendi olan “İl’Azero”nun geyimlərində şəkil çəkdirərək aksiyaya öz dəstəklərini veriblər.
“Operativ24.az” xəbər verir ki, xanım voleybolçular sosial media üzərindən şəkillərini paylaşaraq şirkətin təsisçisi, tanınmış voleybol meneceri İlqar İmamquliyevə təşəkkür edib, tarixi qələbəmiz münasibətilə şəhidlərimizə rəhmət, qazilərimizə tezliklə şəfa tapmalarını arzu ediblər.
Qeyd edək ki, “İl’Azero”nun Qarabağa həsr etdiyi bu layihə yerli atributları, naxış və rəmzləri təbliğ etməklə yanaşı, ölkəmizi layiqincə təmsil edən idmançılara, ictimai xadimlərə, xüsusilə də, 2-ci Qarabağ müharibəsi iştirakçılarına həsr edilib və onlara pulsuz olaraq çatdırılır.