Azərbaycanın idman brendi olan "İl Azero" Vətən Müharibəsində qazandığımız qələbəyə yeni kolleksiya həsr edib.  “Üç rəngi sev” adlı kolleksiya, milli çalarlarla tərtib olunmuş möhtəşəm dizaynı ilə hər kəsi əzəli torpağımız- Qarabağın əsl sahiblərinə geri qayıtması münasibətilə təbrik edir.
Həmçinin geyimlərindəki rəngarəngliyi ilə seçilən milli brendin formalarında, 3 rəngli şanlı bayrağımızın rənglərinə xüsusilə yer verilir.

Onu da qeyd edək ki, bu kolleksiya kommersiya məqsədi daşımır. "Üç rəngi sev" kolleksiyası ölkəmizin atributlarını, naxış və simvollarını təbliğ edərək, dünyanın müxtəlif ölkələrində ölkəmizi layiqincə təmsil edən dəyərli idmançı, ictimai xadim və ən əsası qanı-canı bahasına QARABAĞ zəfərini bizə yaşadan qazi qardaşlarımızı hədiyyələrlə sevindirmək üçün nəzərdə tutulub.

Dəyərli müştərilər, böyük maraq və sevginizi görməkdən çox şadıq. Bir daha qeyd edək ki, bu kolleksiya satış üçün nəzərdə tutulmayıb. 

“İl'Azero”-nun daha bir özəlliyini sizə çatdırmaq istəyirik.
Belə ki, Avropa texnologiyası ilə tikilmiş geyimlər bədən tərini özündə saxlayaraq onun nəfəs almasına şərait yaradır. Həmçinin yuyulduqda belə rəngini itirmir.
Şirkətin məhsulları Polşada istehsal olunur və müxtəlif ölkələrdən bu məhsullara böyük maraq göstərilir. Bunun nəticəsində artıq Polşa voleybol elitasının bir neçə üzvü “İl’Azero”-nun daimi müştərisidir.  Onu da qeyd edək ki, müştərilər arasında müğənnilər, televiziya aparıcıları və digər məşhurlar da var.

Operativ24.az