Ölü bilinərək dəfn edilən 85 yaşlı qadının 9 gündən sonra evə dönməsi ailə üzvlərinin və yaxınlarını dəhşətə gətirdi.
Operativ24.Az “La Voz de Galicia” ispan qəzetinə istinadən xəbər verir ki, hadisə İspaniyada baş verib.
COVİD-19-dan xəstəxanada müalicə alan pensiyaçı Roqelib Blanko ailəsinə yanvarın 13-də xəbər verilir ki, bəs qadın xəstəlikdən dünyasını dəyişib.
Koronavirusa görə qoyulan məhdudiyyətə görə ailə xəstənin dəfnində iştirak edə bilmir. Lakin ailəyə verilən acı xəbərdən 9 gün sonra 85 yaşlı qadının sağ-salamat evə dönməsi hamını təəccübləndirib.
O İspaniyanın şimalındakı Kcove şəhərindəki qocalar evində yaşayan əri Roman Blankonun yanına gəlib. Onu görən əri özünü itirib: “Mən buna inana bilmirəm”.
Sən demə həmin xəstəxanada Roqeli ilə eyni palatada koronavirusdan müalicə alan iki yaşlı qadın ölür və bu səbəbdən də ölənlər barədə ailələrə səhv məlumat göndərilir.
//Ölkə.Az