Tərtər rayon Uşaq Musiqi Məktəbinin müəllimi Vətən müharibəsi zamanı düşmən hücumunun qurbanı olub.
 
Bu barədə Mədəniyyət Nazirliyi məlumat yayıb.
 
Bildirilib ki, 28 sentyabr 2020-ci il tarixində Ermənistan silahlı qüvvələrinin dinc əhalini atəşə tutması nəticəsində Mehman Sovet oğlu Əliyev şəhid olub.
 
Mehman Əliyev 4 sentyabr 1977-ci il tarixində Tərtər rayonunda anadan olub. 1991-ci ildə Tərtər rayon Uşaq Musiqi Məktəbini, 1996-cı ildə Ü.Hacıbəyli adına Ağdam Musiqi Texnikomunu qarmon ixtisası üzrə bitirib. Tərtər rayon Uşaq Musiqi Məktəbində müəllim kimi çalışıb. 1 oğul və 2 qız övladı var idi.